"मेरो म "- कृष्ण बहादुर क्षेत्री

                      "मेराे म"

आफ्नो म को खोजी मा हिँडिराको छु म आजकल 
यता उता चारैतिर खोजी राछन् आँखा आफैलाई हरपल 
हिउँदको यो अथा जाडोमा पनि भाको छु म खलखल
आफ्नै यादले सताछ लागेको छ मलाई धेरै तलतल।

चुलबुले चन्चले मिलनसार स्वभावको त्यो म 
हराएछु आजकल खोई थाहा छैन कता छु म 
सबैले सधैँ आफ्नो आँखासामु देखिराको त्यो म 
तर मेरै आँखाबाट खोइ कुन्नी किन बिलिन भाको छु म।

अनेक कोसिस गरेछु भेट्छु कि भनी कतै मेरो म 
आफ्नाको साथमा रुमलिरहेको मात्र देख्छु मेरो म 
यसको लागि उसको लागि त्यसको लागि दौडिराको मेरो म स्वयंको लागि चुपचाप गुमसुम बसेको देख्छु मेरो म।

अनन्त सागर जस्तो गहिरो बन्धनमा फसेको म 
खुला आकाशमा उड्ने प्रयासमा बसेको म 
साथी संगी आफन्तको जनजालले कसेको म 
आफ्नै खोजीमा भौतारिँदै लड्दै बसेको देख्छु म।

खोई मेरो आफ्नो चाहनाहरु कता हराएछ 
आफूभित्र छ होला जस्तो यति सारो किन डराएछ 
मनभित्र चर्को चर्को चिच्याएछ कराएछ 
मेरा आफ्ना खुट्टाहरु किन आफै डगमगाएछ।

मेरो मलाई मैले खोज्नु छ पहिचान दिनु छ 
जो जो सँग बसेको छ सबसँग फिर्ता लिनु छ 
म, म भित्रको म र केवल म अनि मेरो म 
स्वतन्त्रताको स्वासको खोजीमा हिँडेराको छु म।।

✍️ कृष्ण बहादुर क्षेत्री (कृष्ण आर सी)

ठेगाना : पाेखरा महानगरपालिका -३०, शिशुवा ।