रवि लामिछाने ६५ लाख धरौटीमा रिहा, थप कानुनी प्रक्रियाका कारण तत्काल छुट्ने सम्भावना कम

पाेखरा २५, पाैष २०८१। 

कास्की जिल्ला अदालतले राष्ट्रिय स्वतन्त्र पार्टी (रास्वपा)का सभापति एवं पूर्वगृहमन्त्री रवि लामिछानेलाई ६५ लाख रुपैयाँ धरौटीमा रिहा गर्न आदेश दिएको छ। उनलाई सूर्यदर्शन सहकारी ठगी प्रकरणमा अभियुक्त बनाइएको थियो।

तर, थप कानुनी प्रक्रियाका कारण रविको तत्काल छुट्ने सम्भावना टरेको छ। काठमाडौँ जिल्ला अदालतमा समेत उनीविरुद्ध मुद्दा अभियोजन भइसकेको छ। साथै, रुपन्देही, पर्सा, र चितवन प्रहरीले उनीमाथि जारी पक्राउ पुर्जी कार्यान्वयनका लागि कास्की प्रहरीलाई पत्राचार गरिसकेका छन्। कास्कीमा थुनछेक प्रक्रिया सकिएपछि उनलाई काठमाडौँ लैजाने तयारी भइरहेको जनाइएको छ।

कास्की अदालतको आदेशपछि रास्वपाका समर्थक र शुभचिन्तकहरूले खुसी व्यक्त गरेका छन्। अदालतदेखि प्रहरी कार्यालयसम्म उनीलाई स्वागत गर्न समर्थकहरूको भिड लागेको थियो। रास्वपाकी सांसद सुमना श्रेष्ठले सामाजिक सञ्जालमा यो घटनाले अन्य मुद्दामा पनि जितको संकेत दिएको उल्लेख गरेकी छन्।

यद्यपि, अदालतको आदेशले समर्थकहरूमा उत्साह थपे पनि, रवि लामिछानेको रिहाइ थप कानुनी प्रक्रियाका कारण अन्योलमै रहेको देखिन्छ।