स्वतन्त्र उम्मेदवार कमल सुवेदीलाई स्ववियु अध्यक्ष पदमा भाेट किन ?

पाेखरा, २८ फागुन ०८१
पृथ्वीनारायण क्याम्पस, पोखरामा कानुन र राजनीतिशास्त्रका विद्यार्थी कमल सुवेदीले स्वतन्त्र विद्यार्थी युनियन (स्ववियु) अध्यक्ष पदमा उम्मेदवारी दिएका छन्। सुवेदीले राजनीतिक संगठनका विरुद्ध स्वतन्त्र उम्मेदवार भई निर्वाचनमा हाेमिएका हुन् ।  स्ववियु निर्वाचन चैत ५ गते हुदैछ।
शिक्षा मानिसको व्यक्तित्व विकासको प्रमुख आधार हो। क्याम्पसहरू ज्ञान आर्जन गर्ने थलो मात्र होइन, वैचारिक परिपक्वता र भविष्य निर्माणको जग पनि हुन्। तर पछिल्लो समय क्याम्पसहरू राजनीति गर्ने थलो बन्दै गइरहेका छन्, जसले शिक्षाको मूल उद्देश्यलाई ओझेलमा पारिरहेको अवस्थामा  क्याम्पस सुधार, नवप्रवर्तन र शिक्षामा गुणस्तर अभिवृद्धिका लागि सुवेदीको उम्मेदवारीमा व्यापक समर्थन प्राप्त भएको कुरा सचिवालयले जनाएको छ। सुवेदीले शैक्षिक गुणस्तर, डिजिटल प्रशासन, खेलकुद प्रवर्धन र विद्यार्थी हितका अन्य विभिन्न पक्षलाई प्राथमिकतामा राख्दै क्याम्पसको समग्र सुधारको प्रतिबद्धता गरेका छन् । सुवेदीले आफुलाई भाेट किन दिने भन्ने सवालमा प्रस्तुत गरेका संकल्प यश प्रकार रहेका छन् ।
डिजिटल प्रशासन र शिक्षामा सुधारको अठोट
कमल सुवेदीले क्याम्पसलाई आधुनिक र प्रविधिमैत्री बनाउने लक्ष्य लिएका छन्। उनले क्याम्पस प्रशासनलाई डिजिटल प्रणालीमा रूपान्तरण गरी पारदर्शी र चुस्तदुरुस्त बनाउन प्रस्ताव गरेका छन्। प्रविधिको अधिकतम प्रयोग गर्दै क्याम्पसमा डिजिटल कक्षाकोठा, ई-पुस्तकालय र अनलाइन शैक्षिक सामग्रीहरू उपलब्ध गराउन पहल गर्ने सुवेदीको लक्ष्य छ । विद्यार्थीहरूको प्रगतिपत्र, उपस्थितिको विवरण र शुल्क व्यवस्थापनलाई डिजिटल बनाउँदै क्याम्पस प्रशासनलाई स्मार्ट र प्रविधिमैत्री बनाउन पहल गर्न उनी प्रतिबद्ध रहेका छन्।
क्याम्पसमा राजनीति गर्ने थलो बनाउनु हुँदैन।
क्याम्पसहरू ज्ञान, सीप र व्यक्तित्व विकासको केन्द्र हुन्। तर पछिल्लो समय क्याम्पसहरू राजनीति गर्ने थलो बन्दै जानु गम्भीर चिन्ताको विषय बनेको छ। राजनीतिक प्रदर्शन, हड्ताल र झडपले क्याम्पसको शैक्षिक वातावरणमा प्रत्यक्ष असर पुर्याउँछन्। राजनीतिक गतिविधिमा संलग्नताका कारण विद्यार्थीहरूले पढाइमा ध्यान दिन सक्दैनन्, ।
राजनीतिक हस्तक्षेपको अन्त्य र शैक्षिक स्वायत्तता
कमल सुवेदीले क्याम्पसलाई राजनीति मुक्त क्षेत्र बनाउँदै दलगत संगठनहरूको हस्तक्षेप अन्त्य गर्ने योजना अघि सारेका छन्।
स्वतन्त्र र निष्पक्ष शैक्षिक वातावरणको प्रत्याभूति क्याम्पसमा दलीय गतिविधिलाई नियन्त्रण गर्दै शैक्षिक माहोललाई शान्तिपूर्ण र अध्ययनमुखी बनाउन उनले विशेष जोड दिएका छन्।
नैतिक शिक्षामा जोड
विद्यार्थीहरूले राजनीतिलाई लोकतान्त्रिक मूल्य र नैतिकतासँग जोडेर बुझ्नुपर्ने उनको धारणा छ। यसका लागि क्याम्पसमा विचार गोष्ठी र संवाद कार्यक्रमहरू आयोजना गर्न आवश्यक रहेको उनी बताउँछन्।
गुणस्तरीय र रोजगारमूलक शिक्षामा केन्द्रित पहल
कमल सुवेदीले क्याम्पसमा सीपमूलक, व्यवसायिक र अनुसन्धानमूलक शिक्षा प्रवर्धन गर्न विशेष योजना प्रस्तुत गरेका छन्। विद्यार्थीहरूलाई रोजगारीमूलक तालिम र उद्यमशीलता विकासका कार्यक्रमहरू सञ्चालन गर्न जोड दिएका छन् ।
खेलकुद प्रवर्धन र एकेडेमी स्थापनाको संकल्प:
क्याम्पसमा खेलकुद गतिविधिलाई प्रवर्धन गर्दै सुवेदीले भलिबल, फुटबल, क्रिकेट र बास्केटबल जस्ता खेलहरूलाई व्यवस्थित बनाउने लक्ष्य लिएका छन्। विद्यार्थीहरूको शारीरिक र मानसिक स्वास्थ्यलाई प्रवर्धन गर्न खेलकुद एकेडेमी स्थापना गरी व्यवस्थित प्रशिक्षणको व्यवस्था गर्ने योजना छ।
छात्रावास सुधार र सुविधा विस्तार : आर्थिक रूपमा विपन्न, असहाय र दुर्गम क्षेत्रबाट आउने विद्यार्थीहरूको लागि सुवेदीले सुविधासम्पन्न छात्र/छात्रावास निर्माण गरी उनीहरूको आवास व्यवस्थापनमा सुधार गर्न पहल गर्ने प्रतिबद्धता व्यक्त गरेका छन्।
क्याम्पसलाई 'इनोभेसन एण्ड रिसर्च हब' बनाउने:
क्याम्पसलाई अध्ययनका साथसाथै नवीनतम अनुसन्धान र इनोभेसनको केन्द्र बनाउँदै शैक्षिक नवप्रवर्तनमा प्रेरित गर्न सुवेदीले प्रतिबद्धता जनाएका छन् ।
कमल सुवेदीको उम्मेदवारीले क्याम्पस सुधार र शिक्षामा गुणस्तर अभिवृद्धिको प्रतिबद्धता प्रस्तुत गरेका छन् । उनीले क्याम्पसलाई राजनीति मुक्त राखी गुणस्तरीय, प्रविधिमैत्री र अध्ययनमुखी वातावरण सिर्जना गर्न जोड दिएका छन्। क्याम्पसलाई शिक्षा र नवप्रवर्तनको केन्द्र बनाउँदै विद्यार्थीहरूको उज्ज्वल भविष्य सुनिश्चित गर्न शिक्षाको मन्दिरलाई राजनीतिबाट मुक्त राख्दै उज्ज्वल भविष्य निर्माणको यात्रामा नेतृत्व प्रदान गर्न सुवेदीको उम्मेदवारीले महत्वपूर्ण भूमिका खेल्ने विश्वास गरिएको छ।