वैदेशिक रोजगारीका चुनौती र समाधान खोज्न भाेलि अन्तरक्रिया कार्यक्रम हुने

काठमाडौं , ०५ पाैष ।

वैदेशिक रोजगारीमा रहेका नेपालीहरूले भोग्दै आएका समस्या र यसको समाधानका उपायहरूबारे छलफल गर्न भोलि शनिबार एक अन्तरक्रिया कार्यक्रम आयोजना हुने भएको छ।
नागरिक प्रथम अभियानको आयोजनामा हुने यस कार्यक्रममा पूर्व राजदूत नवराज सुवेदी र नागरिक अभियन्ता सरोज राय प्रमुख वक्ताको रूपमा रहनेछन्। कार्यक्रम दिउँसो १ बजे जस्टिस फर अल नेपाल (ल फर्म) को सभा हल, सिंहदरबारको पूर्वी गेट, अनामनगरमा हुने आयाेजक टिमले जनाएको छ ।
कार्यक्रममा वैदेशिक रोजगारीमा देखिएका समस्याहरू, राज्यको नीतिगत कमजोरी र यसको समाधानका उपायहरूबारे विस्तृत छलफल हुनेछ। विशेष गरी, वैदेशिक रोजगारीमा जाने नेपाली कामदारहरूले भोग्नुपरेको श्रम शोषण, मानव तस्करी, ज्याला कटौतीजस्ता समस्याहरूलाई कसरी सम्बोधन गर्ने भन्ने विषयमा जोड दिइने  अभियान्ता प्रशान्त सिंहले जानकारी दिनुभयो ।